இறைத்தூதர் முஹம்மத் (ஸல்) சூரியனின் முதல் ஒளிக்கதிர் இந்த பூமியை வந்தடையும் முன்னர் தூதரின் நாமம் பெயர் ஒலிக்கத் தொடங்குகிறது. பூமியின் ஒவ்வொரு சிறு அசைவுக்கும் உலகின் எங்கோவோர் கடைக்கோடியிலாவது இறைத்தூதரின் பெயர் ஒலித்துக்கொண்டே இருக்கும். இது உலகில் பிறந்த எந்தவோர் மனிதருக்கும் வழங்கப்படாத கண்ணியமும் புகழுமாகும். இப்படிப்பட்ட ஒரு சிறப்பான மனிதரை யாரால் எத்தனை முறை அவரது கண்ணியத்துக்கு இழுக்கை உண்டாக்கமுடியும்? பிரித்தாழ்தலும் பிரச்சனைகளை தோற்றுவித்து காரியம் சாதித்தாலும் மேற்கின் பிரதான தாரக மந்திரங்கள். அந்த வகையிலேயே இறைதூதர் அவமதிப்பு வெளியீடுகளை நோக்கவேண்டியிருக்கிறது. இதன் பின்னணி அமெரிக்க தேர்தலோ , சிரியாவின் கொடுங்கோல் ஆட்சியின் சரிவை தாமதப்படுத்தலோ அல்லது லிபியாவின் வளங்களை சுரண்டுவதற்கான முன்னேற்பாடுகளாகவோ இருத்தல்கூடும். இவ்வாறான சூழ்நிலைகளை நாம் எவ்வாறு எதிர்கொள்கிறோம் என்பதே எமக்கு முன்னால் உள்ள கேள்வியாகும். டென்மார்க் கேலிச்சித்திரத்துக்கு பதிலடி கொடுக்கும் எண்ணத்தோடு உருவான சமி யூசுப் இன் வெளிவர இருக்கும் இசைத்தட்டில் உள்ள ஒரு பாடல் என்னை மிகவும் கவர்ந்தது. ...
Comments
Post a Comment